|
mujh se pehli si mohabbat meray mehbub na maang
mein ne samjha tha kay tu hai to darakhshaan hai hayaat
tera gham hai to gham-e-dahar ka jhagdra kya hai
teri surat se hai aalam mein bahaaron ko sabaat
teri aankhon ke sivaa duniya mein rakkha kya hai
tu jo mil jaaye to taqdir niguun ho jaaye
yun na tha mein ne faqat chahaa tha yun ho jaaye
aur bhii dukh hain zamaane mein mohabbat ke sivaa
raahaten aur bhi vasl ki raahat ke sivaa
anaginat sadiyon ki taarik bahimanaa talism
resham-o-atalas-o-kamkhvaab mein bunavaaye huye
jaa-ba-jaa bikate huye kuuchaa-o-baazaar mein jism
khaak mein lithade huye khuun mein nahalaaye huye
jism nikale huye amaraaz ke tannuuron se
piip bahatii hu_ii galate huye naasuuron se
laut jaati hai udhar ko bhi nazar kyaa kije
ab bhi dilkash hai tera husn magar kya kije
aur bhii dukh hain zamaane mein mohabbat ke sivaa
raahaten aur bhi vasl ki raahat ke sivaa
mujh se pehli si mohabbat meray mehbub na maang
- Faiz
|
Poems | Articles
| Biz
Ideas | Pics &
Video | News | Links
| Nazaarey
| Books